Компания хақида
“Techno Milk” масъулияти чекланган жамияти Ўзбекистонга Европанинг етакчи давлатлари Германия, Франция ҳамда Голландия давлатларида ишлаб чиқарилган чорвачиликда фойдаланиладиган ускуналар, ветеринария асбоб анжомлари, соғув заллари, сут совутишга мўлжалланган турли хажмдаги ванналар, сут ишлаб чиқариш ва уни қайта ишлаш бўйича замонавий қурилмалар, озуқа тарқатгич, катта ва кичик миқёсда ем тайёрлаш цехлари ва зарурий эхтиёт қисмларни импорт қилади ҳамда уларга малакали доимий сервис хизматини кўрсатади.
Шу билан бир қаторда замонавий чорвачилик комплексларини лойиҳалаштириш, қуриш, мавжуд чорвачилик фермаларига сут унумдорлиги, сут сифати, чорва молларининг озуқа сифати, мавжуд озуқалардан рацион тузиш, чорва молларини парваришлаш, ҳамда қатор соҳага оид йўналишларда консультация хизматларини таклиф этади.
“Techno Milk” масъулияти чекланган жамияти фаолиятини ҳамкор сифатида Германиянинг “Agralis GmbH” фирмаси билан олиб боради. Таклиф қилинадиган техника ва қурилмалар Германиянинг етакчи ишлаб чиқарувчи заводларида тайёрланган бўлиб, барча Европа стандартларига жавоб беради.
Соғув заллари, совутиш техникалари, замонавий молхонанинг барча жихозлари, оғилхонада ем тарқатиш техникалари “Strautmann GmbH”, моллар учун сув ичгичлар “Suevia GmbH” заводида, гўнг учун мўлжалланган техникалар “Franz Eisele & Soehne GmbH & Co.KG” заводида, озуқа ишлаб чиқариш ва тайёрлаш техникалари “Buschhof” заводида, оғилхона ва соғув залларида фойдаланиладиган резина тўшамалар “Animat” Канада заводларида ишлаб чиқарилади.
Шунинг билан биргаликда мижозларнинг ҳоҳиш истакларини инобатга олган 2014 йилнинг август ойидан бошлаб мевани қайта ишлаш, ўрим техникалари ҳамда ерга ишлов бериш техникаларини ҳам таклиф этади. Ишлаб чиқарилган техника ва қурилмалар ўзининг юқори сифат ҳамда юқори иш унумдорлигига эга эканлиги билан бир қаторда кам энергия сарфи билан ҳам ажралиб туради. Бунинг натижасида хўжалигингизда иқтисодий барқарорлик, юқори рентабеллик кўрсаткичларига эришиш ва энг асосийcu сифатли сут ва сут маҳсулотлари ишлаб чиқаришингизни таъминлайди.
Н.ОРИФЖОНОВ
Компания раҳбари
